Կիևը «խորին շնորհակալություն» է հայտնել Ադրբեջանին

Ադրբեջանում Ուկրաինայի դեսպան Յուրի Գուսևը շնորհակալություն է հայտնել Բաքվին էլեկտրասարքավորումների տեսքով հերթական օգնության համար: Այս մասին հաղորդում է EADaily-ն։

«Ցանկանում եմ մեր խորին շնորհակալությունը հայտնել նախագահ Իլհամ Ալիևին և Ադրբեջանի կառավարությանը Ուկրաինային այդքան անհրաժեշտ այս շատ կարևոր օգնության և աջակցության համար։ Այդ էլեկտրասարքավորումները մենք օգտագործում ենք մեր ամբողջ էլեկտրահամակարգը վերականգնելու համար», - ասել է Գուսեւը։

Նա ընդգծել է՝ սա այս տարվա ընթացքում էլեկտրասարքավորումների հետ կապված արդեն երկրորդ օգնության փաթեթն է: Դեսպանն ընդգծել է, որ Ուկրաինան գնահատում է Ադրբեջանի աջակցությունը և աջակցում է երկրի տարածքային ամբողջականությանը և ինքնիշխանությանը: