Մեծ Բրիտանիայում կիսվել են Պուտին-Թրամփ հանդիպման սպասելիքներով

Չնայած այն հանգամանքին, որ Ուկրաինայում իրավիճակը առանցքային թեման կլինի նախագահներ Վլադիմիր Պուտինի և Դոնալդ Թրամփի միջև Ալյասկայում կայանալիք բանակցությունների ժամանակ, կողմերը կարող են նաև այլ թեմաների անդրադառնալ։ Այս մասին հաղորդում է բրիտանական The Economist ամսագիրը։

Ըստ դրա՝ Ուկրաինայում հրադադարը «անկասկած օրակարգում է», սակայն կողմերի միջև երկխոսությունը կարող է տարածվել դրանից այն կողմ։

«Հնարավոր թեմաներից մեկը Միացյալ Նահանգների և Ռուսաստանի միջև դիվանագիտական և գործարար հարաբերությունների ավելի խորը կարգավորումն է, այդ թվում՝ պատժամիջոցների վերացումը։ Պուտինը ձգտում է հենց նման վերականգնման», - ասվում է տեքստում։

Քննարկման մեկ այլ հնարավոր թեմա է Արկտիկայում էներգետիկայի ոլորտում համագործակցությունը։ Ըստ թերթի՝ նման թեման «վերակենդանացնում է այն քննարկումները, որոնք, ըստ առկա տեղեկությունների, տեղի են ունեցել փետրվարին», երբ Ռուսաստանի ներկայացուցիչները փորձել են ներգրավել ամերիկյան բիզնեսի մեջ։