Կիմ Չեն Ընի քույրը հայտնել է՝ ինչ կփոխանցվի Թրամփին Պուտինի միջոցով
Աշխարհ
Հյուսիսային Կորեայի իշխանությունները չեն պատրաստվում Ալյասկայում կայանալիք գագաթնաժողովում ոչ մի ուղերձ փոխանցել ԱՄՆ նախագահ Դոնալդ Թրամփին իր ռուս գործընկեր Վլադիմիր Պուտինի միջոցով: Այս մասին հայտարարել է Կորեայի Աշխատավորական կուսակցության կենտրոնական կոմիտեի բաժնի վարիչի տեղակալ և Հյուսիսային Կորեայի առաջնորդ Կիմ Չեն Ընի քույրը՝ Կիմ Յո Չժոնը, փոխանցում է Կորեայի կենտրոնական հեռագրական գործակալությունը։
«Հարավային Կորեայի ԶԼՄ-ները ենթադրություններ տարածեցին ռուս-ամերիկյան առաջիկա գագաթնաժողովում մեր դիրքորոշումն ամերիկյան կողմին փոխանցելու հնարավորության մասին։ Սա տիպիկ օրինակ է այն բանի, որ Կորեայի Հանրապետությունը մոլորության մեջ է ընկնում», - հայտարարել է նա։
Նրա խոսքով՝ Հյուսիսային Կորեան, չնայած Կիմ Չեն Ընի և Թրամփի լավ անձնական հարաբերություններին, «ԱՄՆ-ի հետ խոսելու բան չունի», որը չի ցանկանում փոխել իր հնացած մոտեցումները միջազգային հարաբերություններում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
