Եվրասիայի ամենաբարձր հրաբուխը ժայթքումից հետո ավելի է բարձրացել

Կլյուչևսկայա Սոպկան (Եվրասիայի ամենաբարձր ակտիվ հրաբուխը) վերջերս տեղի ունեցած ժայթքումից հետո բարձրացել է։ Այս մասին հաղորդում է Telegram-ի Amur Mash ալիքը։

Հրաբխի ժայթքումը սկսվել է հուլիսի 30-ին։ Արևմտյան լանջով հոսող տաք լավա է նկատվել, հրաբխի վերևում հզոր փայլ և պայթյուններ են գրանցվել։ Պատճառը Կամչատկայում տեղի ունեցած երկրաշարժն էր, որի մագնիտուդը հասել է 8,8-ի։ Գրեթե երկու շաբաթ անց Կլյուչևսկայա հրաբուխը սկսել է տարվա իր երկրորդ ժայթքումը՝ օդ նետելով 10 կիլոմետրանոց մոխրի սյուն։

Ժայթքումն արդեն ավարտվել է, բայց մագմայի նստվածքի պատճառով՝ հնարավոր են փոքր արտանետումներ։ Amur Mash-ը նշում է, որ խառնարանում հայտնվել է մոխրագույն կոն, որը տեսանելի է մոտակա գյուղերից։

Դեռևս անհայտ է, թե որքանով է մեծացել հրաբուխը։ Նախկինում դրա բարձրությունը տատանվում էր 4688-ից մինչև 4750 մետր։