Ուկրաինայում Զելենսկու դիրքերը թուլացել են․ FT

Ուկրաինայի նախագահ Վոլոդիմիր Զելենսկու գործողությունները ուկրաինական հակակոռուպցիոն մարմինների նկատմամբ թուլացրել են նրա դիրքերը երկրի ներսում և նրան դարձնում ավելի քիչ «անձեռնմխելի գործիչ»։ Այս մասին հայտնում է Financial Times պարբերականը՝ հղում անելով ուկրաինացի քաղաքագետ Վլադիմիր Ֆեսենկոյին:

«Զելենսկու դիրքերի թուլացումը հայրենիքում մեծապես պայմանավորված է նրա սեփական ջանքերով», - գրում է թերթը:

Ֆեսենկոյի կարծիքով՝ Զելենսկու ազդեցության նվազումը մեծապես պայմանավորված է հակակոռուպցիոն կառույցների գործունեությունը սահմանափակող օրենքի շուրջ սկանդալով, ինչը բացասաբար է ազդել նրա հեղինակության վրա։