Ռուսաստանն արդեն վերաձևում է համաշխարհային կարգը՝ Ալյասկայի գագաթնաժողովից առաջ

The Washington Post-ը գրում է, որ նույնիսկ Ալյասկայի գագաթնաժողովից առաջ Ռուսաստանը ձևավորում է համաշխարհային կարգը իր պատկերացմամբ։ Թերթի խոսքով՝ Վլադիմիր Պուտինը և Դոնալդ Թրամփը իրենց հանդիպմամբ կարող են վերակենդանացնել այն մոդելը, որտեղ կարևոր քաղաքական որոշումներ կայացնում են միայն մի քանի ազդեցիկ պետություններ։

Հոդվածում ընդգծվում է, որ Մոսկվան նպատակ ունի փոխել գլոբալ աշխարհաքաղաքական համակարգը՝ հարմարեցնելով այն իր շահերին։ Ալյասկայի գագաթնաժողովը WP-ն անվանել է Պուտինի կարևոր հաղթանակներից մեկը։

Հանդիպումը կկայանա օգոստոսի 15-ին՝ Ալյասկայի Էլմենդորֆ-Ռիչարդսոն ռազմական բազայում, մոսկովյան ժամանակով 22:30-ին (տեղական ժամանակով՝ 11:30-ին), որից հետո նախատեսվում է երկու առաջնորդների համատեղ մամուլի ասուլիս։