Ռուսաստանը և Ուկրաինան գերիներ են փոխանակել

Ռուսաստանը և Ուկրաինան գերիներ են փոխանակել: Մոսկվան Կիևին է վերադարձրել 84 զինծառայողի և նույնքան էլ ստացել է ուկրաինական կողմից։

ՌԴ ՊՆ հաղորդագրության համաձայն՝  զինծառայողները ներկայումս գտնվում են Բելառուսի տարածքում։

Փոխանակման գործընթացում որպես միջնորդ հանդես է եկել ԱՄԷ-ն։ 

Վերջին ամիսներին Ռուսաստանը և Ուկրաինան մի քանի փուլով անցկացրել են գերիների փոխանակման գործընթաց, որի հիմնական մասը կողմերն իրականացրել են Ստամբուլի համաձայնագրերի հիման վրա: Մոսկվան և Կիևը հուլիսին ավարտել են այդ համաձայնագրերի իրականացումը։

Ռուսաստանի և Ուկրաինայի միջև Ստամբուլում հուլիսի 23-ին կայացած բանակցությունների երրորդ փուլից հետո ռուսական բանակցային խմբի ղեկավար Վլադիմիր Մեդինսկին հայտարարել էր ռուսական կողմի առաջարկի մասին՝ սկսել նոր փոխանակում և յուրաքանչյուր կողմից առնվազն 1.2 հազար գերիներ տեղափոխել:

Այս մասին համաձայնագիրը հաստատել է ուկրաինական պատվիրակության ղեկավար, Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովը:

Ռուսաստանը նաև պատրաստակամություն է հայտնել փոխանցել ուկրաինացի զինվորների 3 հազար մարմին։