Իսրայելի կառավարությունը հավանություն է տվել Նեթանյահուի որոշմանը

Իսրայելի ռազմաքաղաքական կաբինետը հաստատել է վարչապետ Բենիամին Նեթանյահուի որոշումը՝ օկուպացնել Գազա քաղաքը, հաղորդում է Axios-ը ՝ հղում անելով իսրայելցի բարձրաստիճան պաշտոնյայի։

Նշվում է, որ որոշումը կայացվել է ավելի քան 10 ժամ տևած խորհրդակցություններից հետո: Հրատարակության տվյալներով՝ սա հարձակման առաջին փուլն է, որը կարող է ներառել ամբողջ Գազայի հատվածի օկուպացիան Իսրայելի պաշտպանության ուժերի կողմից:

Իսրայելական իշխանությունների որոշման վերաբերյալ այլ մանրամասներ չեն հաղորդվել։