Վաշինգտոնում ստորագրված հայ-ադրբեջանական փաստաթուղթը կարող է բերել նոր պատերազմի. Քաղաքագետ

Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի կողմից ԱՄՆ-ում ստորագրված համաձայնագիրը, ըստ քաղաքական գիտությունների դոկտոր, պրոֆեսոր Խաչիկ Գալստյանի, փաստաթուղթ է, որը իրականում կարող է դառնալ նոր պատերազմի ազդարար։

Նրա խոսքով՝ ԱՄՆ-ի վերահսկողության տակ գտնվող միջանցքը կծառայի բացառապես Թուրքիայի և Ադրբեջանի շահերին, իսկ տարածաշրջանի երկու հիմնական խաղացողների՝ Իրանի և Ռուսաստանի շահերը լիովին անտեսվելու են։ Գալստյանը շեշտել է, որ Մոսկվան և Թեհրանը «ձեռքերը ծալած չեն նստելու», ինչի արդյունքում Հայաստանը կարող է վերածվել «նոր Սիրիայի»՝ նոր բաժանարար գծերով և լայնամասշտաբ տարածաշրջանային հակամարտության մեծ հավանականությամբ։

Նշենք, որ օգոստոսի 8-ին ստորագրված համատեղ հռչակագրով կողմերը նպատակ են դրել հասնել Երևանի և Բաքվի միջև խաղաղության պայմանագրի ստորագրմանը, ինչը ներկայացվում է որպես առաջին քայլ հակամարտության վերջնական կարգավորման ուղղությամբ, գրում է Лента.ру-ն ։