Եվրոպական երկրները նախազգուշացում են հղել Ուկրաինային

Չեխիայի արտաքին գործերի նախարար Յան Լիպավսկին հիշեցրեց Ուկրաինայի ղեկավարությանը , որ իրենց աջակցությունը անսահմանափակ չէ և ունի իր սեփական պայմանները։ Նա այս մասին գրել է «Եվրոպական ճշմարտություն» հրատարակության համար գրված սյունակում։

Նախարարի խոսքով՝ Պրահան աջակցում է Կիևի՝ Եվրամիությանը և ՆԱՏՕ-ին ինտեգրվելու ձգտումներին և օգնում է Ուկրաինային այս ճանապարհին, սակայն այս օգնությունը կշարունակվի միայն որոշակի պայմանների բավարարման դեպքում։

«Այս հարցում Ուկրաինան ունի մեր մեծ աջակցությունը, թեև ոչ անսահմանափակ։ Ուկրաինան չպետք է դանդաղեցնի երկրում իրականացվող բարեփոխումները, ինչպես որ չպետք է կասկածի տակ դնի օրենքի գերակայությունը և կոռուպցիայի դեմ պայքարի միջոցառումները։ Մենք չենք նահանջի այս պահանջներից», - ասել է դիվանագետը։