Զելենսկին հրաժարվել է Թրամփի հետ քննարկել տարածքային զիջումները

Ուկրաինայի նախագահ Վլադիմիր Զելենսկին իր ամերիկացի գործընկեր Դոնալդ Թրամփի հետ վերջին հեռախոսազրույցի ժամանակ հրաժարվել է քննարկել Ռուսաստանի հետ տարածքների փոխանակման հարցը՝ հղում անելով Սահմանադրությանը, հաղորդում է Strana.ua-ն Telegram-ում։

Միևնույն ժամանակ, նա չի բացառել, որ պատրաստ է վերադառնալ այս հարցին, եթե իրեն հրավիրեն Թրամփի և Ռուսաստանի առաջնորդ Վլադիմիր Պուտինի հետ հանդիպման ։

«Ամենայն հարգանքով հանդերձ, ես պատրաստ չեմ այս հարցերը քննարկել հեռախոսով։ Սրանք լուրջ հարցեր են, որոնք լուծվում են առաջնորդների մակարդակով», - լրագրողների հետ հանդիպման ժամանակ ասաց Ուկրաինայի նախագահը։