ԱՄՆ հատուկ բանագնաց Ուիթկոֆի՝ Մոսկվա կատարած այցերի ընթացքում շատ բան է արվել․ Լավրով
Ռուսաստան
Ալյասկայում ԱՄՆ-ի հետ գագաթնաժողովի ժամանակ Ռուսաստանը հույս ունի շարունակել քննարկել այն թեմաները, որոնք մշակվել են ԱՄՆ նախագահի հատուկ դեսպանորդ Սթիվեն Ուիթկոֆի՝ Մոսկվա կատարած այցերի ընթացքում: Այս մասին հայտարարել է Ռուսաստանի արտաքին գործերի նախարար Սերգեյ Լավրովը «Ռոսիա 24»-ին տված մեկնաբանության մեջ։
«Սթիվեն Ուիթկոֆի այցերի ընթացքում այստեղ արդեն շատ բան է արվել, այդպես է ասել նախագահը: Ուիթկոֆը խոսել է նախագահ Դոնալդ Թրամփի անունից: Հուսով եմ, որ մենք այսօր կշարունակենք այս շատ օգտակար զրույցը», - ասել է նա։
Օգոստոսի 15-ին Վլադիմիր Պուտինը և ԱՄՆ նախագահ Դոնալդ Թրամփը բանակցություններ կանցկացնեն Ալյասկայում: Հիմնական թեման Ուկրաինայում խաղաղությունն է: Հանդիպումը նախատեսված է Մոսկվայի ժամանակով՝ ժամը 22:00-ին (Երևանի ժամանակով՝ ժամը 23:00-ին), և կսկսվի առանձնազրույցով:
Քննարկվող առաջարկները կարող են ներառել տարածքների փոխանակում և Կիևի կողմից ՆԱՏՕ-ին անդամակցելուց հրաժարվելը:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
