Տոկաևը վստահեցրել է, որ Ղազախստանում այլևս ընտանեկան-կլանային համակարգ չկա

Ղազախստանում իշխանության գլխին այլևս «ընտանեկան-կլանային համակարգ» չկա։ Այս մասին հայտարարել է հանրապետության նախագահ Կասիմ-Ժոմարտ Տոկաևը, հաղորդում է ՏԱՍՍ-ը։

«Պետական ծառայությունում հաստատվում է մերիտոկրատիայի սկզբունքը։ Իշխանության մեջ այլևս ընտանեկան-կլանային համակարգ չկա։ Պաշտոններում նշանակելիս՝ առաջին հերթին հաշվի են առնվում գիտելիքներն ու պրոֆեսիոնալիզմը», - ասել է նա ուսուցիչների համաժողովում։

Նրա խոսքով՝ Ղազախստանում իրականացվող լայնածավալ բարեփոխումների արդյունքում «օրենքի և կարգուկանոնի նկատմամբ հարգանքը դառնում է անսասան սկզբունք»։