Բաքվում հերքել են «Արևմտյան Ադրբեջանի համայնքի» լուծարման մասին տեղեկատվությունը

Ադրբեջանական պետական լրատվամիջոցները տարածել են «Արևմտյան Ադրբեջանի համայնք» կեղծ կազմակերպության խորհրդի «նախագահ» Ֆունտա Ազիզ Ալեքբարլիի հայտարարությունը, ըստ որի՝ այն տեղեկությունները, թե «Ադրբեջանը սկսել է լուծարել այսպես կոչված՝ «Արևմտյան Ադրբեջանի» հետ կապված կազմակերպությունները, բացարձակ կեղծիք են և այդ տեղեկությունները գալիս են Հայաստանից»։

«Դա բացարձակ կեղծիք է։ Նման հաղորդագրությունները գալիս են Հայաստանից։ «Արևմտյան Ադրբեջանի համայնքը» հայտարարություն կանի այս հարցի վերաբերյալ», - ասել է  Ալեքբարլին։

Նշենք, որ տեղեկությունն ի սկզբանե տարածվել է ադրբեջանական աղբյուրների կողմից։