NBC․ Եվրոպան սպասում է Ալյասկայի գագաթնաժողովի իր համար խնդրահարույց ավարտին

NBC-ն, հղում անելով եվրոպացի բարձրաստիճան պաշտոնյայի, գրում է, որ Եվրամիությունը պատրաստվում է Պուտին–Թրամփ գագաթնաժողովի հնարավոր արդյունքին, որը կարող է լինել «շատ խնդրահարույց» իր համար։ Պաշտոնյայի խոսքով՝ Բրյուսելում հասկանում են, որ բանակցությունների որոշ սցենարներ կարող են լուրջ ազդեցություն ունենալ Եվրոպայի շահերի վրա։

Հանդիպումը կայանալու է օգոստոսի 15-ին, ժամը 22:30-ին (մոսկովյան ժամանակով) Ալյասկայի Անքորիջ քաղաքի Էլմենդորֆ-Ռիչարդսոն ռազմաբազայում։ Նախ կկայանա երկու նախագահների tête-à-tête հանդիպումը, ապա՝ բանակցություններ պատվիրակությունների մասնակցությամբ և աշխատանքային նախաճաշ։ Կենտրոնական թեման կլինի ուկրաինական հակամարտության կարգավորումը, ինչպես նաև Մոսկվա–Վաշինգտոն համագործակցության և անվտանգության հարցերը։

Կողմերը չեն նախատեսում ստորագրել որևէ փաստաթուղթ։ Ըստ ծրագրի՝ հանդիպման արդյունքների մասին Պուտինն ու Թրամփը կհայտնեն համատեղ մամուլի ասուլիսում։