ՌԴ լրագրողներին Ալյասկայում նախաճաշի համար առաջարկել են չիպսեր

RT-ի թղթակից Եգոր Պիսկունովը հայտնել է, որ Ալյասկայում ՌԴ–ԱՄՆ գագաթնաժողովը լուսաբանող ռուս լրագրողներին նախաճաշի համար առաջարկել են հաց, աղցան, նարինջ, խնձոր և չիպսեր։ Տեսանյութը, որը նա հրապարակել է իր Instagram-ի էջում, նկարահանված է եղել մարզադաշտի խոհանոցում, որտեղ տեղավորել էին մամուլի ներկայացուցիչներին։

Ավելի վաղ «Կոմերսանտ»-ի հատուկ թղթակից Անդրեյ Կոլեսնիկովը պատմել էր, որ լրագրողների կեցության պայմանները «արշավային» են և իրեն հիշեցրել են կորոնավիրուսի պանդեմիայի ժամանակվա հիվանդանոցային մթնոլորտը։ Նրանց բնակեցրել են Alaska Airlines Center մարզահամալիրում, որտեղ քնելու համար տրամադրվել են դաշտային մահճակալներ։

Պուտին–Թրամփ հանդիպումը նախատեսված է օգոստոսի 15-ին, ժամը 22:30-ին (Մոսկվայի ժամանակով) Ալյասկայի Անքորիջ քաղաքի Էլմենդորֆ-Ռիչարդսոն ռազմաբազայում։ Նախօրեին ԱՄՆ նախագահը ռուս գործընկերոջը անվանել էր «խելացի մարդ» և ընդգծել, որ լավ է շփվում նրա հետ։