Օրբանը վաղուց էր կանխատեսել Պուտին-Թրամփ հանդիպումը․ Մենցեր
Աշխարհ
Հունգարիայի վարչապետ Վիկտոր Օրբանը վաղուց կանխատեսել է մի սցենար, որի դեպքում Ռուսաստանի նախագահ Վլադիմիր Պուտինը կհանդիպի ԱՄՆ նախագահ Դոնալդ Թրամփի հետ, մինչդեռ Եվրոպան, իր պատերազմամետ քաղաքականության պատճառով, կմնա մի կողմ դրված իր ապագայի վերաբերյալ որոշումներ կայացնելիս, ասել է Հունգարիայի իշխող «Ֆիդես-Քրիստոնեա-դեմոկրատական ժողովրդական» կուսակցություն դաշինքի հաղորդակցության տնօրեն Թամաշ Մենցերը։
«Թրամփը կհանդիպի Պուտինի հետ։ Ո՞վ է խոսել այս մասին։ Իհարկե Վիկտոր Օրբանը։ Պատերազմը պետք է ավարտվի, բանակցություններ պետք է վարվեն, մենք պետք է նստենք սեղանի շուրջ Ռուսաստանի հետ, և եթե Թրամփը գա, նա կնստի», - ասել է Մենցերը՝ Facebook-ում հրապարակված տեսաուղերձում։
Քաղաքական գործիչը հիշեցրել է, որ Հունգարիայի վարչապետը նամակ է գրել Եվրոպական խորհրդի նախկին նախագահ Շառլ Միշելին, որտեղ կոչ է արել Եվրոպային «արագ գործողություններ ձեռնարկել», որպեսզի «հետ չմնան»։
Նրա խոսքով՝ Եվրոպան այժմ մնացել է մի կողմում իր սեփական ապագայի վերաբերյալ որոշումներ կայացնելու հարցում, այդ իսկ պատճառով Օրբանը կոչ է անում ԵՄ-ին Թրամփից հետո գագաթնաժողով անցկացնել Ռուսաստանի հետ։
Թարգմանությունը՝ lurer.com-ի։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
