Ինչպես անցավ 6 տարվա ընթացքում Պուտինի և Թրամփի առաջին հանդիպումը

ՌԴ նախագահ Վլադիմիր Պուտինն ու ԱՄՆ նախագահ Դոնալդ Թրամփը բանակցություններ են վարել Ալյասկայում։ Բանակցությունները տեղի են ունեցել Էլմենդորֆ-Ռիչարդսոնի ռազմաբազայում: Գագաթնաժողովի առաջին մասը տեղի է ունեցել եռակողմ ձևաչափով՝ նախարարների մասնակցությամբ: Երկրների ղեկավարներից բացի՝ դրան մասնակցել են Ռուսաստանից՝ արտաքին գործերի նախարար Սերգեյ Լավրովը և նախագահի օգնական Յուրի Ուշակովը, ԱՄՆ-ից՝ պետքարտուղար Մարկո Ռուբիոն և հատուկ դեսպանորդ Սթիվ Վիտկովը:

Հանդիպման ժամանակ Վլադիմիր Պուտինը և Դոնալդ Թրամփը քննարկել են Ուկրաինայում հակամարտության խաղաղ կարգավորման տարբերակները: Հանդիպումից հետո Ռուսաստանի նախագահը հայտնել է, որ բանակցությունները «անցել են կառուցողական և փոխադարձ հարգանքի մթնոլորտում, շատ մանրակրկիտ և օգտակար են եղել»։

«Մենք շատ լավ, գործնական և վստահելի կապ ենք հաստատել նախագահ Թրամփի հետ»,-ասել է Պուտինը:

Թրամփը Պուտինի հետ իր հարաբերությունները անվանել է «հրաշալի» և ասել, որ հանդիպումից հետո «հսկայական առաջընթաց» է գրանցվել, և կան լավ հնարավորություններ «ուկրաինական խնդիրը լուծելու» համար: Այնուամենայնիվ, Ռուսաստանի հետ դեռ պետք է աշխատանք տարվի մի շարք թեմաների շուրջ:

Ամերիկյան լրատվամիջոցները պնդում են, որ Թրամփը աշխատանքային ճաշ էր նախատեսել Պուտինի և ռուսական պատվիրակության մյուս անդամների հետ, սակայն հանդիպումից և մամուլի ասուլիսից հետո այն չեղարկվել է։