Մեծ Բրիտանիան հրադադարից հետո զորքեր կուղարկի Ուկրաինա. Telegraph

Մեծ Բրիտանիան պատրաստվում է իր զորքերը ուղարկել Ուկրաինա ենթադրյալ հրադադարից հետո առաջին շաբաթվա ընթացքում։ Այս մասին հաղորդում է The Daily Telegraph-ը՝ հղում անելով աղբյուրներին։

Ըստ դրա, եթե ռազմական գործողությունները դադարեն, հարյուրավոր բրիտանացի ռազմական հրահանգիչներ և ինժեներներ կարող են ուղարկվել Ուկրաինա զինված ուժերի ամրապնդմանը նպաստելու համար։

Հրապարակումը նաև նշում է, որ Մեծ Բրիտանիայի վարչապետ Քիր Սթարմերը հաստատել է Թագավորական ռազմաօդային ուժերի կործանիչների օգտագործումը՝ դաշնակիցների հետ միասին Ուկրաինայի երկինքը պարեկելու համար՝ տեսական հրադադարի պահպանման մոնիթորինգի շրջանակներում։