Թրամփը անվանել է Ռուսաստանի «բնական թշնամուն»

ԱՄՆ նախկին նախագահ Ջո Բայդենը կատարել է «աներևակայելին»՝ մերձեցնելով Ռուսաստանին իր «բնական թշնամու»՝ Չինաստանի հետ: Այս մասին Fox News-ին տված հարցազրույցում հայտարարել է ԱՄՆ ներկայիս առաջնորդ Դոնալդ Թրամփը։

Նրա խոսքով՝ Բայդենը, ինչպես և Սպիտակ տան մյուս նախկին ղեկավար Բարաք Օբաման, մերձեցման մղեցին Մոսկվային և Պեկինին, սակայն դա «վերջին բանն էր, որ պետք է անել», քանի որ ՌԴ-ն և ՉԺՀ-ն «բնական թշնամիներ են»:

Նա նշել է՝ Ռուսաստանն ունի ընդարձակ տարածքներ, իսկ Չինաստանը՝ հսկայական բնակչություն, որին հողեր են պետք, ինչի պատճառով պետությունների միջև միշտ կա «բնական շփում»: