ՌԴ բանակը հաուբիցայի հարվածներով ոչնչացրել է Ուկրաինայի ԶՈւ խոշոր հենակետը Դոնբասում

Ռուսաստանի Պաշտպանության նախարարությունը հայտնել է, որ ռուսական զորքերը հաուբիցա 2Ա65 «ՄՍՏԱ-Բ»-ի ճշգրիտ հարվածներով ոչնչացրել են Ուկրաինայի ԶՈւ խոշոր հենակետը Դոնեցկի Հանրապետության Կլեբան-Բիկ բնակավայրի մոտ՝ կոնստանտինովյան ուղղությամբ։ Ըստ հաղորդագրության՝ հենակետը հայտնաբերվել էր անօդաչու թռչող սարքերի միջոցով իրականացված օդային հետախուզության ժամանակ։

Նախարարության տվյալներով՝ տարածքը հագեցած էր խոշոր տրամաչափի գնդացիրներով և հակատանկային հրթիռային համալիրներով։ Հարվածի հետևանքով Ուկրաինայի զինուժը կորցրել է առնվազն 11 զինծառայող, որոնք հայտնաբերվել են տեղում իրականացված զննման ժամանակ։

Ավելի վաղ նույն շրջանում ռուսական անօդաչուներն ու հրետանին ոչնչացրել էին անօդաչուների կառավարման կետ և վերացրել «Ազով» բրիգադի (ՌԴ-ում ահաբեկչական ճանաչված) ստորաբաժանումներից մեկը՝ հակառակորդին պատճառելով մեկ վաշտի ծավալով կորուստներ։