CNN․ Թրամփն ու ԵՄ առաջնորդները քննարկել են Կիևին անվտանգության երաշխիքներ՝ ՆԱՏՕ-ի օրինակով
Համաշխարհային Մամուլ
Եվրամիության ղեկավարները Ալյասկայի գագաթնաժողովից հետո կայացած հեռախոսազրույցում ԱՄՆ նախագահի պաշտոնը զբաղեցնող Դոնալդ Թրամփի հետ քննարկել են Ուկրաինային անվտանգության երաշխիքներ տրամադրելու հարցը՝ ՆԱՏՕ-ի կանոնադրության 5-րդ հոդվածի օրինակով։ Այս մասին տեղեկացնում է CNN-ը՝ հղում անելով բանակցություններին ծանոթ եվրոպացի բարձրաստիճան պաշտոնյայի։
Ըստ աղբյուրի՝ խոսքը վերաբերում է այնպիսի մեխանիզմի, որը կարող է գործել Եվրոպայի և ԱՄՆ-ի աջակցությամբ՝ Ուկրաինայում խաղաղության պայմանագրի կնքման դեպքում։ Միևնույն ժամանակ պաշտոնյան շեշտել է, որ Հյուսիսատլանտյան դաշինքը անմիջապես չի ներգրավվելու Կիևին երաշխիքներ տրամադրելու գործընթացում։
Թրամփի հեռախոսազրույցը Ուկրաինայի նախագահ Վլադիմիր Զելենսկու և եվրոպական առաջնորդների հետ կայացել է օգոստոսի 16-ին՝ Ալյասկայի գագաթնաժողովի ավարտից հետո։ Ամերիկացի առաջնորդը նշել է, որ քննարկումները անցել են «շատ լավ» մթնոլորտում։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
