Պուտինի և Զելենսկու հետ եռակողմ հանդիպման նախապատրաստական աշխատանքները սկսվել են. Թրամփ

ԱՄՆ նախագահ Դոնալդ Թրամփը հայտարարել է եռակողմ հանդիպման նախապատրաստական աշխատանքների մեկնարկի մասին, որին կմասնակցեն նաև Ռուսաստանի Դաշնության և Ուկրաինայի առաջնորդներ Վլադիմիր Պուտինը և Վոլոդիմիր Զելենսկին։ Այս մասին նա ասել է Ալյասկայում գագաթնաժողովից հետո Fox News-ին տված հարցազրույցում։

«Նրանք այժմ պատրաստվում են կազմակերպել Զելենսկու, նախագահ Պուտինի և իմ հանդիպումը», - ասել է նա։

Ըստ Թրամփի՝ ինքը ցանկություն չունի այնտեղ լինել, բայց պետք է այնտեղ լինի՝ համոզվելու, որ բոլոր առաջադրանքները կատարվել են։

Սպիտակ տան ղեկավարը նշել է, որ կողմերը «բավականին լավ հնարավորություն ունեն դա անելու»։