NYT․ Թրամփը հեռացել է ԵՄ-ի գծից ու մոտեցել Պուտինին Ուկրաինայի հարցում

Ամերիկյան The New York Times-ը գրում է, որ ԱՄՆ նախագահ Դոնալդ Թրամփի վերջին հայտարարությունները փաստում են նրա հեռացումը Եվրամիության դիրքորոշումից Ուկրաինայի հարցում։ Թրամփը, ըստ պարբերականի, ավելի մոտեցել է Վլադիմիր Պուտինի տեսակետին՝ գերադասելով ամբողջական խաղաղության համաձայնագիրը, այլ ոչ թե անհապաղ հրադադար։

NYT-ը նշում է, որ նման շրջադարձը Մոսկվային առավելություն է տալիս բանակցություններում, որոնք կշարունակվեն երկուշաբթի՝ արդեն Վաշինգտոնում, երբ Վլադիմիր Զելենսկին հանդիպի Թրամփի հետ։

Ալյասկայի գագաթնաժողովից հետո Թրամփը հեռախոսազրույց է ունեցել Զելենսկու և եվրոպացի առաջնորդների հետ՝ հայտարարելով, որ բոլորն ի վերջո համաձայնել են․ խաղաղության համապարփակ համաձայնագիրը ավելի արդյունավետ լուծում է, քան սովորական հրադադարի ռեժիմի սահմանումը։