Պուտինը քննադատել է ԱՄՆ ընտրական համակարգը

Ռուսաստանի նախագահ Վլադիմիր Պուտինը խոսել է ԱՄՆ ընտրական համակարգի անկատարության մասին, որի պատճառով` Սպիտակ տան ներկայիս ղեկավարը պարտվեց 2020 թվականի նախագահական ընտրություններում: Ամերիկայի առաջնորդ Դոնալդ Թրամփն այս մասին ասել է Fox News-ին տված հարցազրույցում։

«Պուտինն ասել է ամենահետաքրքիր բաներից մեկը: Նա ասել է, որ «ձեր (ամերիկյան նախագահական - խմբ.) ընտրությունները կեղծվել են, քանի որ դուք ունեք փոստով քվեարկություն», - նշել է Թրամփը։

Ամերիկացի առաջնորդի խոսքով՝ Պուտինն ասել է, որ ոչ մի երկրում փոստով քվեարկություն չկա, քանի որ անհնար է այն անցկացնել փոստով և ունենալ արդար ընտրություններ։