Imperial Orchestra-ն վերադառնում է Երևան՝ նոր շոուով ու հիթերով

Imperial Orchestra-ն վերադառնում է Երևան՝ լեգենդար CINEMA MEDLEY սաունդթրեքների շոուով։ Ռուսաստանի ամենատեխնոլոգիական և մասշտաբային նվագախումբը, որի համերգներին արդեն իսկ ներկա է եղել ավելի քան 850,000 մարդ, այս անգամ հանդիսատեսին հատուկ անակնկալ է պատրաստել։ Imperial Orchestra-ն ճանաչում է ձեռք բերել ֆիլմերի և համակարգչային խաղերի սաունթրեքների կատարման շնորհիվ, որոնք ներկայացվում են medley ժանրում Նվագախմբի ծրագրում կան նաև դասական երաժշտության գլուխգործոցներ և երաժշտական հիթեր։

 

Վեց տարվա ընթացքում նվագախումբը համագործակցության է հասել հայտնի արտիստների, ինչպես նաև «Кинопоиск» և «Яндекс» ընկերությունների հետ։ Imperial Orchestra-ն ունի պետական պարգևներ, ճանաչում Ռուսաստանում և ԱՊՀ երկրներում, իսկ 2025 թվականին արժանացել է միջազգային Bravo մրցանակին՝ ստանալով «Տարվա նվագախումբ» տիտղոսը։ Նվագախումբը ղեկավարում են հայտնի դիրիժորներ Լև Դունաևը և Իոսիֆ Նուրդաևը։

 

Նվագախմբի գեղարվեստական ղեկավար Ալեքսանդր Դուլինը նշում է, որ նախագիծը սկզբում ստեղծվել է հենց Cinema Medley սաունդթրեքների շոուի համար․

 

«Սկզբում մենք փոքր կամերային համույթ էինք, սակայն հանդիսատեսի ջերմ արձագանքը ստիպեց մտածել ավելի մեծ նախագծերի մասին։ Այսօր մեր կազմում շուրջ 800 երաժիշտ կա։ Մեր գլխավոր գաղտնիքը բարեկամական մթնոլորտն է և միմյանց անսահման աջակցությունը»,-նշել է Դուլինը։

Նրա խոսքով Imperial Orchestra-ի յուրահատկությունն այն է, որ սաունդթրեքները ներկայացվում են medley ձևաչափով՝ միավորելով հայտնի երաժշտական թեմաները և փոխանցելով դրանք առավել հուզիչ ու տպավորիչ հնչողությամբ։ Դասական գործիքների կողքին նվագախմբում հնչում են նաև թվային և ֆոլկլորային գործիքներ, ինչը երաժշտությանը տալիս է բազմերանգ ու ժամանակակից երանգ։

 

Նախագծի շրջանակում բեմ են բարձրանում նաև մենակատարներ։ 2025-ին անցկացված մեծ քասթինգի արդյունքում նվագախումբը բացահայտել է նոր անուններ, այդ թվում՝ տաղանդավոր երգչուհի Սյուզաննա Մելքոյանին, ով Երևանում կներկայացնի լեգենդար «I Will Always Love You»-ն «Թիկնապահը» ֆիլմից։

 

Imperial Orchestra-ն համագործակցել է նաև խոշոր բրենդների հետ։ Նրանց հեղինակած առաջին սաունդթրեքը հնչում է «World of Tanks» խաղում, իսկ «Կինոպոիսկ»-ի և «Յանդեքս»-ի հետ համատեղ ստեղծվել են «Թագավորն ու խեղկատակը» և «Շելկունչիկ» սիմֆոնիկ շոուները։

 

Սեպտեմբերի 7-ին երևանյան հանդիսատեսը հնարավորություն կունենա ոչ միայն վայելելու լեգենդար սաունդթրեքները, այլև բացահայտելու Imperial Orchestra-ի նոր անկյունները։

 

«Եթե հանդիսատեսը գա մեր համերգին, նրան հետաքրքիր կլինեն նաև մեր մյուս շոուները։ Մենք միշտ փորձում ենք զարմացնել», – ընդգծում է Ալեքսանդր Դուլինը։