Հունգարիան հույս ունի, որ Եվրոպան չի խափանի Ուկրաինայի կարգավորման գործընթացը
Աշխարհ
Հունգարիայի արտաքին գործերի նախարար Պետեր Սիյարտոն հույս է հայտնել, որ Ուկրաինայում հակամարտության կարգավորման գործընթացը, որը սկսվել է Ալյասկայում ռուս-ամերիկյան գագաթնաժողովից հետո, չի խաթարվի Արևմտյան Եվրոպայի կողմից, ինչպես 2022 թվականի Ստամբուլի համաձայնագրերը։
«Մենք՝ հունգարացիներս, անկեղծորեն հույս ունենք, որ երեկվա բանակցությունները կհանգեցնեն խաղաղության, և միևնույն ժամանակ հույս ունենք, որ այս անգամ չի կրկնվի այն, ինչ տեղի ունեցավ երեքուկես տարի առաջ, երբ Արևմտյան Եվրոպայի երկրները սաբոտաժի ենթարկեցին Ստամբուլի խաղաղության համաձայնագիրը։ Լավ կլիներ, որ Ալյասկայում սկսված գործընթացը այս անգամ չկանգնի», - գրել է Սիյարտոն Ֆեյսբուքում։
Ավելի վաղ ԱՄՆ նախագահ Դոնալդ Թրամփը Fox News-ին տված հարցազրույցում, ի թիվս այլ բաների, նշել էր, որ ուկրաինական հակամարտության կարգավորման շուրջ համաձայնության հասնելու հնարավորությունը հիմա՝ Ալյասկայում Ռուսաստանի առաջնորդ Վլադիմիր Պուտինի հետ իր հանդիպումից հետո , կախված է Վլադիմիր Զելենսկիից և եվրոպական երկրներից։
ՈՒՂԻՂ ԵԹԵՐ
Ամենադիտված 
Էլիզ Մելիքյանը մայրիկի հետ լուսանկար է հրապարակել
