Թրամփը հայտարարել Է Պուտինի և Զելենսկու հետ եռակողմ հանդիպման մասին

ԱՄՆ նախագահ Դոնալդ Թրամփը հայտարարել է իր, Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու եռակողմ հանդիպման նախապատրաստման մեկնարկի մասին։

«Նրանք հիմա պատրաստվում են հանդիպում կազմակերպել Զելենսկու, նախագահ Պուտինի և իմ միջև», - Ալյասկայի գագաթնաժողովից հետո Fox News-ին ասել է Թրամփը։  

«Ուզում եմ այնտեղ լինել, ցանկանում եմ համոզվել, որ դա կիրականացվի։ Եվ մենք բավականին լավ հնարավորություն ունենք դա իրականացնելու»,– ասել է նա։