Թրամփը պահանջում է, որ Զելենսկին հրաժարվի ամբողջ Դոնբասից՝ ի օգուտ Ռուսաստանի. NYT

Եվրոպայում Թրամփի նկատմամբ դժգոհությունը միայն աճում է, հատկապես ԱՄՆ նախագահի կողմից Ռուսաստանի և Ուկրաինայի վերաբերյալ արված առաջարկից հետո, հաղորդում է ՌԻԱ Նովոստին։

Սպիտակ տան ղեկավարը ապշեցրել է եվրոպացի առաջնորդներին՝ հայտարարելով, որ ինքը կողմ է Կիևի վերահսկողության տակ մնացած Դոնբասի տարածքները Ռուսաստանին հանձնելուն։ Թրամփի խոսքով՝ դա անհրաժեշտ է խաղաղության կնքման համար, հաղորդում է The New York Times-ը։

Հրապարակման հաղորդմամբ՝ Թրամփը վստահ է, որ նման քայլը թույլ կտա երկարատև խաղաղություն հաստատել, այլ ոչ թե ժամանակավոր հրադադար։

Հոդվածի հեղինակները նշում են. «Պուտինի հետ հանդիպումից հետո Թրամփը հրաժարվել է անհապաղ հրադադարի պահանջից և կարծում է, որ խաղաղության պայմանագիրը կարող է արագ բանակցվել, եթե Զելենսկին համաձայնվի Դոնբասի մնացած մասը հանձնել Ռուսաստանին, նույնիսկ այն տարածքները, որոնք չեն օկուպացվել ռուսական զորքերի կողմից»։