Չինաստանում գնահատել են Ռուսաստանի և ԱՄՆ-ի միջև հարաբերությունները

Չինաստանի իշխանությունները ողջունում են Ռուսաստանի և ԱՄՆ-ի միջև հարաբերությունների բարելավումը։ Այս մասին ճեպազրույցի ժամանակ հայտարարել է Չինաստանի արտաքին գործերի նախարարության պաշտոնական ներկայացուցիչ Մաո Նինը, հաղորդում է ՌԻԱ Նովոստին։

«Չինաստանը ողջունում է Ռուսաստանի և ԱՄՆ-ի փոխգործակցությունը, երկկողմ հարաբերությունների բարելավումը, որը նպաստում է ուկրաինական ճգնաժամի քաղաքական կարգավորմանը», - ասել է նա։

Դիվանագետի խոսքով՝ չինական կողմը աջակցում է Ուկրաինայում խաղաղ կարգավորմանը նպաստելու բոլոր ջանքերին։