Ռուսաստանում հայտարարել են՝ Ուկրաինան ստել է

Ուկրաինան տարածում է կեղծ տեղեկություններ սեփական՝ 3000 կմ հեռահարությամբ FP-5 բալիստիկ հրթիռի մշակման մասին։ Այս մասին հայտնել է ռուսական Telegram-ի «Երկու մեծեր» ալիքը։

Ըստ ալիքի՝ FP-5 հրթիռը արտադրվում է բրիտանական Milanion Group Ltd մասնավոր ընկերության կողմից, որը նախկինում հայտնի էր՝ որպես Milanion Limited։ Միևնույն ժամանակ, Ուկրաինան այն ներկայացրել է՝ որպես իր սեփական մշակում։

Ալիքի հեղինակը նաև նշել է, որ Լոնդոնը հետաքրքրված չէ խաղաղության հաստատմամբ և քիչ հավանական է, որ Վաշինգտոնում կայանալիք բանակցություններում պատրաստ լինի փոխզիջումների։