Windows-ը հնարավոր կլինի կառավարել ձայնային հրահանգներով

Windows-ի նախագծի մենեջեր Պավան Դավուլուրին և արհեստական բանականության արտադրանքի մենեջեր Քրիստիան Բրինկհոֆը նշել են, որ ապագայում ձայնային մուտքագրումը կդառնա Microsoft օպերացիոն համակարգի հետ փոխազդելու հիմնական միջոցը, հաղորդում է Neowin-ը։

Հարցազրույցում մենեջերները նշել են, որ Windows-ի ապագա տարբերակները, այդ թվում՝ հնարավոր Windows 12-ը, կկենտրոնանան բազմամոդալ սցենարների վրա, որոնք համատեղում են ձայնային կառավարումը փոխազդեցության այլ մեթոդների հետ։

Դավուլուրին ընդգծել է, որ արհեստական բանականության, մասնավորապես Copilot Vision-ի ինտեգրումը թույլ կտա համակարգին հասկանալ օգտատիրոջ համատեքստը և մտադրությունը՝ ապահովելով ավելի բնական փոխազդեցություն։ Նման պայմաններում ստեղնաշարն ու մկնիկը կդառնան երկրորդական կառավարման միջոցներ, և հիմնական ուշադրությունը կկենտրոնացվի ձայնային հրամանների վրա։

«Դուք կկարողանաք խոսել համակարգչի հետ՝ գրելիս, նկարելիս կամ մեկ այլ անձի հետ շփվելիս։ Համակարգիչը պետք է իմաստապես հասկանա ձեր մտադրությունները, որպեսզի դուք կարողանաք փոխազդել դրա հետ», - ասել է Դավուլուրին։

Հայտնի չէ, թե երբ է Microsoft-ը թողարկելու Windows օպերացիոն համակարգի հաջորդ սերունդը։

Թարգմանությունը՝ Lurer.com-ի