Ալիևը գոհ է Ադրբեջանի և Իսրայելի բարեկամությունից

Ադրբեջանի նախագահ Իլհամ Ալիևն ընդունել է Ադրբեջանում Իսրայելի նոր դեսպան Ռոնեն Կրաուսի հավատարմագրերը: Ալիևը ընդգծել է «երկրների միջև կապերի զարգացման դրական դինամիկան և գոհունակություն հայտնել համագործակցության մակարդակից»: Այս մասին փոխանցում է EADaily-ն։

«Ադրբեջանա-իսրայելական հարաբերություններն այսօր կրում են ռազմավարական բնույթ», - հայտնել է Կրաուսը։ Դիվանագետը նշել է՝ երկու երկրների առաջնորդների և ժողովուրդների միջև գոյություն ունեն «իսկական բարեկամական կապեր»:

Դեսպանը նաև շնորհակալություն է հայտնել Ադրբեջանում հրեական համայնքի հանդեպ ցուցաբերած հոգատարության և ուշադրության համար։