Լեհաստանում գտել են գոթական ոսկե գանձ

Լեհաստանի Կալիշ քաղաքի մոտ գտնվող անտառում հնագիտության սիրահարները հայտնաբերել են գոթական գանձ։ Ինչպես գրում է Archaeology Mag-ը, ամենամեծ հայտնագործությունը դարձել է հինգերորդ դարին պատկանող ոսկե վզնոց, որի քաշը 222 գրամ է։

Գանձը գտնվել է կավե ամանի մեջ՝ խոնարհված վիճակում, միասին այլ արժեքավոր իրերի հետ։ Հնագետները նշում են, որ նման զարդեր նախկինում հայտնաբերվել էին միայն Սկանդինավիայում։ Բոլոր գտածոները կփոխանցվեն Կալիշի տարածաշրջանային թանգարան։

Անցկացված հնագիտական աշխատանքների ընթացքում հայտնաբերվել են նաև պշևորյան մշակույթին վերաբերող ռազմիկի գերեզման՝ նիզակի ծայրով և վահանի մասերով, ինչպես նաև միջնադարյան կուժ՝ 631 մետաղադրամով։ Գոթերը գերմանական ցեղ էին, որոնք Մեծ ժողովրդական տեղաշարժերի ժամանակ ապրել են ներկայիս Լեհաստանի տարածքում՝ շփվելով սլավոնների հետ։