TRIPP-ը կդառնա ռազմական բախման սկիզբ Հայաստանում, որն ավելի ահարկու կլինի, քան Ուկրաինայում․ Eurasianet

Թրամփը խաղաղության հաստատման արշավ է սկսել։ Նա ոչ միայն Ուկրաինա-Ռուսաստան պատերազմը դադարեցնելու ջանքերի շարժիչ ուժն է, այլև գտնվում է Կովկասում Հայաստանի և Ադրբեջանի միջև շուրջ քառասունամյա հակամարտության կարգավորման փորձերի կենտրոնում: Երկու դեպքում էլ հաջողությունը դեռ հեռու է որոշակիությունից, գրում է Eurasianet-ը։

Ինչպես նշվում է, Ռուսաստանը լուրջ խոչընդոտ է դարձել Կովկասում Թրամփի՝ TRIPP տարանցիկ միջանցքի ստեղծման գործում։ Կրեմլը և Իրանը կասկածանքով են վերաբերում ԱՄՆ-ի վերահսկողության տակ գտնվող միջանցքի հայեցակարգին։ Շատ ռուս փորձագետներ միջանցքը համարում են պոտենցիալ աշխարհաքաղաքական աղետ Մոսկվայի համար։ «Ռուսաստանի սահմանների մոտ ամերիկա-թուրքական հզոր կամուրջ է հայտնվում։ Սա չափազանց անբարենպաստ սցենար է», - նշել է փորձագետներից մեկը։

Նա զգուշացրել է՝ TRIPP-ը կարող է ռազմական բախման սկիզբ դառնալ Հայաստանում, որն ավելի ահարկու կլինի, քան Ուկրաինայում: Մեկ այլ մասնագետ Թրամփի խաղաղ նախաձեռնությունը անվանել է «նվաստացում» և սպառնալիք ռուսական ազգային ինքնության գոյության համար: Հայաստանի դիվանագիտական կառույցները ռուս և իրանցի պաշտոնյաներին հանգստացնելու արշավ են սկսել՝ հասնելով խառը արդյունքների: Ռուսաստանը շարունակում է զգուշավորություն պահպանել, սակայն Երևանին, կարծես, հաջողվել է վերացնել իրանական մտավախությունների մի մասը: