Ռուսաստանը չի հրաժարվում երկկողմ կամ եռակողմ բանակցություններից. Լավրով

Ռուսաստանը չի մերժում ռուս-ուկրաինական հակամարտության կարգավորման վերաբերյալ աշխատանքի որևէ ձևաչափ և չի բացառում եռակողմ բանակցություններ։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը «Ռոսիա 24» հեռուստաալիքին տված հարցազրույցում։

Նա ընդգծել է, որ բարձրաստիճան պաշտոնյաների մասնակցությամբ ցանկացած շփում պետք է ուշադրությամբ նախապատրաստվի։

Լավրովի խոսքով՝ Ռուսաստանի անվտանգության նկատմամբ հարգանքի և Ուկրաինայում ռուսների իրավունքների ապահովման բացակայության դեպքում երկարաժամկետ համաձայնագրերի մասին խոսք լինել չի կարող։