Թրամփը որոշել է վերանորոգել Սպիտակ տունը

ԱՄՆ նախագահ Դոնալդ Թրամփը որոշել է վերանորոգել Սպիտակ տունը և դրան ավելացնել պարահանդեսային դահլիճ, հաղորդում է NBC News-ը։

Աշխատանքների արժեքը կկազմի 200 միլիոն դոլար, Թրամփը կվճարի դրա համար իր սեփական հաշվից։ Նա պարահանդեսային դահլիճը նվեր է անվանել։ Սրահի մակերեսը, ենթադրաբար, կկազմի 8,36 հազար քառակուսի մետր։ Այն կկառուցվի արևելյան թևում, որն ավանդաբար օգտագործվում է ԱՄՆ առաջին տիկնոջ գրասենյակների համար։ Աշխատանքները պետք է սկսվեն սեպտեմբերին։ Վերակառուցումը կլինի ամենամեծը Հարրի Թրումանի նախագահությունից (1945-1953) ի վեր։

Թրամփն ասել է, որ պարահանդեսային դահլիճը կբավարարի հյուրերի կարիքները, որոնցից շատերն իրենց միջոցառումներն անցկացնում են Սպիտակ տան Հարավային մարգագետնում գտնվող վրաններում: Երբ ձյուն կամ անձրև է գալիս, նրա խոսքով, վրաններում մնալն անհնար է: Նախագծում ներգրավված են աշխարհի մեծագույն ճարտարապետներից մի քանիսը, չնայած նա հրաժարվել է նրանց անունները նշել: