Կամչատկայում ուժեղ երկրաշարժ է տեղի ունեցել

Կամչատկայում ուժեղ երկրաշարժ է տեղի ունեցել։ Այս մասին իր Telegram ալիքում հայտնել է Ռուսաստանի գիտությունների ակադեմիայի (ՌԳԱ) միասնական երկրաֆիզիկական ծառայության Կամչատկայի մասնաճյուղը։

Ստորգետնյա ցնցումները գրանցվել են ուրբաթ՝ օգոստոսի 1-ին, Մոսկվայի ժամանակով ժամը 14:57-ին։ Դրանց մագնիտուդը հասել է 6.2-ի. սեյսմոլոգները սովորաբար սա համարում են ուժեղ երկրաշարժ։

Երկրաշարժի էպիկենտրոնը գտնվել է Պետրոպավլովսկ-Կամչատկայից 212 կիլոմետր հեռավորության վրա։ Մասնագետների կարծիքով՝ էպիկենտրոնը գտնվել է 23,6 կիլոմետր խորության վրա։ Կամչատկայի երկրամասի մայրաքաղաքում երկրաշարժի ուժգնությունը, նախնական տեղեկությունների համաձայն, կազմել է 3 բալ։