Սպիտակ տունը հաստատում է, որ ԱՄՆ-ն զորքեր չի ուղարկի Ուկրաինա
Աշխարհ
Վաշինգտոնը հաստատել է ԱՄՆ նախագահ Դոնալդ Թրամփի խոսքերն այն մասին, որ Միացյալ Նահանգները մտադիր չէ ցամաքային զորքեր ուղարկել Ուկրաինայում խաղաղություն ապահովելու համար։ Այս մասին հայտնել է Սպիտակ տան մամուլի քարտուղար Քերոլայն Լևիթը։
«Նախագահը հստակեցրել է, որ ամերիկյան զորքերը չեն լինի ուկրաինական հողում, բայց մենք, անշուշտ, կարող ենք օգնել համակարգմանը և, հնարավոր է, մեր եվրոպացի դաշնակիցներին տրամադրել այլ անվտանգության երաշխիքներ», - ասել է նա։
Օգոստոսի 19-ին Թրամփը Fox News-ին տված հարցազրույցում ասել էր , որ քանի դեռ ինքը մնում է Միացյալ Նահանգների նախագահ, Ուկրաինայում ամերիկյան զորքեր չեն լինի։
Սակայն, ըստ Թրամփի, Ֆրանսիան, Մեծ Բրիտանիան և Գերմանիան պատրաստ են իրենց զորքերը ուղարկել երկիր խաղաղության հաստատումից հետո: Նրա խոսքով, դա խնդիրներ չի ստեղծի Ռուսաստանի համար:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
