Հնդկաստանը և Չինաստանը որոշել են վերսկսել օդային հաղորդակցությունը

Հնդկաստանը և Չինաստանը համաձայնության են եկել հնարավորինս շուտ վերսկսել երկրների միջև ուղիղ ավիահաղորդակցությունը, հայտնել է  Հնդկաստանի արտաքին գործերի նախարարությունը (ԱԳՆ) Չինաստանի արտաքին գործերի նախարար Վան Իի Նյու Դելի այցից հետո։

«Կողմերը համաձայնության են եկել հնարավորինս շուտ վերսկսել Չինաստանի և Հնդկաստանի միջև ուղիղ օդային հաղորդակցությունները և ավարտել թարմացված օդային ծառայությունների համաձայնագրի վրա աշխատանքները», - ասվում է հայտարարության մեջ։

Մամուլի ծառայությունը հավելել է, որ կողմերը քննարկել են զբոսաշրջիկների, բիզնեսի ներկայացուցիչների, լրատվամիջոցների և քաղաքացիների այլ կատեգորիաների համար վիզային ռեժիմի հնարավոր պարզեցումը։