ՌԴ-ն Ադրբեջանի դեմ երկրորդ ճակատ բացելու ո՛չ համարձակություն ունի, ո՛չ ուժ․ Ադրբեջանի նախկին ԱԳՆ

Ուկրաինայում ձախողումներից հետո Կրեմլը թշնամիների նոր կերպարներ է փնտրում։ Այս մասին հայտարարել է Ադրբեջանի նախկին արտգործնախարար Թոֆիկ Զուլֆուգարովը, գրում է AZERBAIJANI ARMED FORCES 24/7 Telegram ալիքը։

Նրա խոսքով՝ վերջին ամիսներին Ադրբեջանն ու Ղազախստանը դարձել են ռուսական քարոզչության հատուկ թիրախները։ «Ռուսաստանը չի համարձակվի Ադրբեջանի դեմ երկրորդ ճակատ բացել։ Այս քարոզչական ճնշումները շարունակվելու են։ Առայժմ մենք միայն արդյունքներ ենք տեսնում, բայց ժամանակի ընթացքում իրավիճակը կպարզվի», - ասել է նա։

«Ադրբեջանի և Թուրքիայի միջև գոյություն ունի ամուր դաշինք, որը պաշտպանում է մեզ ցանկացած ռազմական սպառնալիքից։ Սակայն Ռուսաստանը երկրորդ ճակատ բացելու ոչ համարձակություն ունի, ոչ ուժ», - հավելել է նախկին նախարարը։