Մի քանի օրից երկնքում «սև լուսին» կհայտնվի

Մի քանի օրից երկնքում կհայտնվի ապոկալիպտիկ մարգարեությունների հետ կապված «սև լուսին»։ Այս մասին հայտնել է բրիտանական Daily Mail թերթը։

«Սև լուսին» կոչվող աստղագիտական երևույթը տեղի է ունենում, երբ մեկ օրացուցային ամսվա ընթացքում երկրորդ նորալուսինն է բարձրանում։ Նորալուսինն անցնում է Երկրի և Արեգակի միջև։ Հետևաբար, Լուսնի՝ Երկրին ուղղված կողմը մնում է ստվերում և անտեսանելի է անզեն աչքով։

Մարգարեություններին հավատացողները մատնանշում են Աստվածաշնչի հատվածներ, մասնավորապես՝ Մարկոսի Ավետարանը, որը զգուշացնում է, որ «արևը կխավարի, և լուսինը չի տա իր լույսը»։ Գիտնականները, սակայն, վստահ են, որ անհանգստանալու պատճառ չկա։

«Սև լուսնի» պիկը կլինի օգոստոսի 22-ին։ Այս երևույթը տեղի է ունենում մոտավորապես յուրաքանչյուր 33 ամիսը մեկ։ «Սև լուսնի» հաջորդ հայտնվելը կանխատեսվում է 2028 թվականի օգոստոսի 20-ին։