Ադրբեջանի հետ ստորագրված հռչակագրի ֆոնին Հայաստանն ամրապնդում Է Իրանի հետ հարաբերությունները․ Bloomberg
Արտաքին Քաղաքական
Հայաստանն ու Ադրբեջանը ԱՄՆ նախագահ Դոնալդ Թրամփի միջնորդությամբ 17 կետից բաղկացած հռչակագիր են ստորագրել, որի նպատակն է վերջ դնել երկու հարևանների միջև տասնամյա հակամարտությանը, նշում Է Bloomberg-ը:
Հաղորդվում է նաև՝ Իրանի նախագահը Մասուդ Փեզեշքիանի Երևան կատարած այցի ժամանակ երկու երկրների ներկայացուցիչները մի շարք համաձայնագրեր են ստորագրել տրանսպորտի և լոգիստիկայի ոլորտում, ինչպես նաև վերանայել են բեռնափոխադրումների սակագները՝ ընդգծելով տնտեսական ինտեգրման խորացման ձգտումը: Երկու երկրները պայմանավորվել են Արաքս գետի վրա կառուցել երկրորդ կամուրջը և արդիականացնել գոյություն ունեցող սահմանային տերմինալները:
«Չնայած Իրանի ԱԳՆ-ն ընդհանուր առմամբ ողջունել Է Վաշինգտոնի համաձայնագիրը, գերագույն առաջնորդ Ալի Խամենեին դատապարտել է առաջարկվող տարանցիկ երթուղին, որի համար ԱՄՆ-ն զարգացման բացառիկ իրավունքներ կստանա: Իրանի նախագահը Երևան կատարած այցի ժամանակ ևս մեկ անգամ ընդգծել է, որ տարածաշրջանում առաջնորդությունը պետք է պատկանի կովկասյան պետություններին, և որ տարածաշրջանային խնդիրները արտաքին ուժերին փոխանցելը միայն կբարդացնի իրավիճակը», - հայտնել է պարբերականը:
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
