Զելենսկին հզոր ապտակ է ստացել Սպիտակ տանը․ Զախարովա

Ուկրաինայի քարտեզը, որը Սպիտակ տանը ցուցադրվել է նախագահներ Դոնալդ Թրամփի և Վոլոդիմիր Զելենսկու բանակցություններում, հզոր ապտակ է ծառայել Կիևի ռեժիմին և նրա կողմնակիցներին՝ նրանց ուշքի բերելու համար։ Հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան, գրում է Sputnik-ը։

«Դա հզոր ապտակ էր, որը պետք է նրանց ուշքի բերեր։ Բոլոր նրանց, ովքեր մի քանի տարի պատմությունից, աշխարհագրությունից, իրականությունից կտրված, կոչ էին անում՝ ամեն ինչ պետք է լուծվի մարտի դաշտում՝ չհասկանալով, թե ինչի մասին են խոսում», - ասել է նա։

Զախարովայի խոսքով՝ ներկայացված քարտեզը հստակ ցույց է տվել Զելենսկուն, նրան համախոհներին՝ «որքան են նրանք կորցրել բոլոր առումներով»։