Թալիբները կոչով դիմել են Ռուսաստանին, Չինաստանին և ԱՄՆ-ին

Աֆղանստանի պաշտպանության նախարար Մոհամմադ Յաքուբ Մուջահիդը կոչ է արել մյուս երկրներին հրաժարվել իր երկրի նկատմամբ «չար մտադրություններից», քանի որ այն չի պահպանում չար կամք և ցանկանում է «լավ հարաբերություններ բոլորի հետ՝ հիմնված իսլամական շարիաթի վրա»։ Նա համապատասխան հայտարարությունն արել է Աֆղանստանի անկախության օրվան նվիրված արարողության ժամանակ, հաղորդում է Amu TV-ն։

Նախարարի խոսքով՝ ո՛չ Ռուսաստանը, ո՛չ էլ Չինաստանը չեն հավատում, որ Աֆղանստանը կգործի իրենց դեմ՝ Միացյալ Նահանգների հրահանգներով, կամ թույլ կտա, որ իր տարածքը օգտագործվի իրենց դեմ։ Միևնույն ժամանակ, Միացյալ Նահանգները չի հավատում, որ Ռուսաստանը և Չինաստանը կօգտագործեն Աֆղանստանի տարածքը իրենց դեմ։

Նա նաև առաջարկել է առևտրային և տնտեսական համագործակցություն այլ երկրների հետ։

«Եկեք առևտուր անենք։ Եկեք մրցակցենք միմյանց հետ՝ կառուցելով ամբարտակներ, ճանապարհներ, գործարաններ, ներդրումներ կատարելով էլեկտրաէներգետիկ նախագծերում, և ոչ թե բախման գնանք», - ասել է նախարարը։