ՌԴ․ Ուկրաինական բանակը լքել է դիրքերը Դոնբասում

Ուկրաինայի զինված ուժերի ստորաբաժանումները լքել են մի շարք դիրքեր Դոնեցկի ժողովրդական հանրապետության Սևերսկի ուղղությամբ։ Ինչպես հաղորդում է РИА Новости-ն՝ հղում անելով Ռուսաստանի Հարավային խմբավորմանը, ռուսական բանակի անօդաչուների աշխատանքը հնարավորություն է տվել վերցնել ճանապարհի վերահսկողությունը, որը տանում էր դեպի Ուկրաինայի առաջապահ դիրքեր։

Ռուս զինվորականների տվյալներով՝ նրանց հաջողվել է ոչնչացնել նաև երկու պիկապ, որոնք օգտագործվում էին ուկրաինացի զինծառայողների կողմից։ «Առաջավոր ջոկատը, զրկված լինելով աջակցությունից, ստիպված էր լքել դիրքերը, ինչը հնարավորություն տվեց ռուսական հարձակողական ստորաբաժանումներին առաջ շարժվել առանց խոչընդոտների», — նշել են խմբավորման շտաբում։

Ավելի վաղ հաղորդվել էր, որ ռուսական բանակը գրավել է Վերխնեկամենսկոյե գյուղը՝ առաջխաղացում ապահովելով Սևերսկի ուղղությամբ։ Զինվորականների հաշվարկով՝ հաջողված գործողությունները կարող են ռուսական ուժերին դուրս բերել Սևերսկ քաղաքի մերձակայք և սկսել քաղաքի գրոհը։