Պուտինի հատուկ ներկայացուցիչը դատապարտել է Լեռնային Ղարաբաղում հուշարձանների ապամոնտաժումը

Պուտինի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը դատապարտել է Ադրբեջանի կողմից օկուպացված Լեռնային Ղարաբաղում հուշարձանների քանդումը: Այս մասին գրում է РБК-ն։

«Մշակութային գործիչների արձանների ապամոնտաժումը, նրանց անարգելը, որտեղ էլ որ դա տեղի ունենա, չի կարող գերնեգատիվ վերաբերմունք չառաջացնել։ Ինչ ազգերին էլ նրանք պատկանեն՝ հայ, ադրբեջանցի, ռուս, թե մեկ այլ», - հայտարարել է պաշտոնյան։ Նախագահի հատուկ ներկայացուցչի խոսքով՝ «մշակութային գործիչների հուշարձանների քանդումը փաստարկ չէ ոչ պատմության, ոչ քաղաքականության մեջ: Բնականաբար, մշակույթը չի կարող ապրել քաղաքականությունից դուրս, միջպետական հարաբերությունների իրողություններից դուրս, բայց միևնույն ժամանակ, ինչպես ինձ է թվում, մշակույթը պետք է մնա այն կապող թելը ժողովուրդների միջև, որը չպետք է ընդհատվի։

Քաղաքականությունն ապրում է ներկայում, իսկ մշակութային հարաբերություններն ապրում են հավերժության մեջ, և դա պետք է հասկանալ»: «Սա շատ դժվար թեմա է քննարկելու և երկխոսելու համար, բայց երկխոսություն պետք է լինի։ Հարավային Կովկասի ժողովուրդների, Ադրբեջանի, Հայաստանի, Վրաստանի հետ Ռուսաստանը կապում է բազմադարյա պատմությունը, և մեր ժողովուրդների միջև կապերը չեն վերանում», - կոչ է արել Շվիդկոյը։