Մոսկվան մերժում է Եվրոպայի անվտանգության երաշխիքներն Ուկրաինային. Լավրով

Մոսկվան լիովին մերժում է Ուկրաինայի անվտանգության երաշխիքները, եթե դրանք կառուցվում են Ռուսաստանին մեկուսացնելու և նրան դիմակայելու տրամաբանությամբ։ Հայտարարել է ՌԴ ԱԳ նախարար Սերգեյ Լավրովը, փոխանցում է EADaily-ն։

«Երբ այժմ Ալյասկայում Ռուսաստանի և ԱՄՆ-ի գագաթնաժողովից հետո, որտեղ զգալի առաջընթաց է գրանցվել կարգավորման ուրվագծերի և կոնկրետ պարամետրերի որոշման ճանապարհին, եվրոպական երկրները Զելենսկու հետևից գնացին Վաշինգտոն և այնտեղ փորձեցին առաջ տանել իրենց օրակարգը՝ ուղղված Ռուսաստանի մեկուսացման, արևմտյան աշխարհը Ուկրաինայի հետ միավորելու տրամաբանությամբ, որպեսզի շարունակեն ագրեսիվ առճակատման քաղաքականությունը, զսպեն ՌԴ-ին՝ նկատի ունենալով, իհարկե, առաջվա պես մեզ ռազմավարական պարտություն հասցնելը։ Իհարկե, դա չի կարող մեզ մոտ որևէ զգացողություն առաջացնել, բացի լիակատար մերժումից», - ասել է նախարարը։