ԱՄՆ-ն կվերացնի ԵՄ որոշ ապրանքների վրա դրված մաքսատուրքերը

ԱՄՆ-ն սեպտեմբերի 1-ից կվերացնի Եվրամիությունից (ԵՄ) ներմուծվող որոշ բնական պաշարների, ինքնաթիռների և դեղագործական արտադրանքի 15% մաքսատուրքերը։ Այս մասին ասվում է ԵՄ-ի և Սպիտակ տան համատեղ հայտարարության մեջ, հաղորդում է ՌԻԱ Նովոստին։

Հուլիսի 28-ին ԱՄՆ-ն և ԵՄ-ն ստորագրեցին առևտրային համաձայնագիր, որի համաձայն Բրյուսելը պարտավորվեց գնել 750 միլիարդ դոլարի ամերիկյան էներգետիկ ռեսուրսներ, ինչպես նաև 600 միլիարդ դոլարով ավելացնել Եվրոպայից ԱՄՆ-ում կատարվող ներդրումները և գնել ամերիկյան զենք։ Դրա դիմաց Վաշինգտոնը խոստացավ կիսով չափ կրճատել եվրոպական ապրանքների մաքսատուրքերը՝ 30%-ից մինչև 15%։

Հուլիսի 29-ին Politico-ն հաղորդել է, որ Թրամփը ճնշում է գործադրել ԵՄ-ի վրա առևտրային համաձայնագիր կնքելու համար։ Ինչպես հայտնի դարձավ, ամերիկացի առաջնորդը նամակ է ուղարկել եվրոպացիներին՝ զգուշացնելով, որ նրանք «լուրջ ռիսկի տակ են»։ Դրանից հետո ԵՄ-ն համաձայնել է նստել բանակցությունների սեղանի շուրջ և համաձայնագիր կնքել ԱՄՆ-ի հետ։

Որոշ փորձագետներ եզրակացրել են, որ ԱՄՆ-ԵՄ առևտրային համաձայնագիրը եվրոպական արդյունաբերությանը սպառնում է «տնտեսական աղետով»։ Նշվում է, որ կարճաժամկետ հեռանկարում ԵՄ երկրները կբախվեն արտահանման անկման, իսկ երկարաժամկետ հեռանկարում՝ ներդրումների արտահոսքի և արդյունաբերության վրա ճնշման։