ՌԴ Կենտրոնական բանկը հայտնել է հուլիսին ինֆլյացիայի դանդաղման մասին

Ռուսաստանի Կենտրոնական բանկի տվյալներով՝ հուլիսին երկրի միջին տարեկան ինֆլյացիան կազմել է 8,79 տոկոս։ Ցուցիչը դանդաղել է Ռուսաստանի 89 մարզերից 74-ում՝ չնայած կոմունալ սակագների ինդեքսացիային։

ԿԲ-ի հաշվետվության մեջ նշվում է, որ հունիսի համեմատ սննդամթերքի գներն ընդհանուր առմամբ նվազել են, իսկ ոչ պարենային ապրանքների գները մի շարք շրջաններում անցել են անկումից դեպի չափավոր աճ։ Միևնույն ժամանակ, ավտոմեքենաների, էլեկտրական սարքերի, գործիքների և սարքավորումների գները փոփոխության չեն ենթարկվել։

Ծառայությունների գների էական աճը ԿԲ-ն կապել է հիմնականում ЖКХ սակագների բարձրացման հետ, որը նաև մեծացրել է բնակչության ինֆլյացիոն սպասումները։ Վերջին տվյալներով՝ օգոստոսի 18-ի դրությամբ Ռուսաստանի տարեկան ինֆլյացիան նվազել է մինչև 8,46 տոկոս։